【Caudalie 面霜】實測Vinopure葡萄籽抗痘控油保濕霜！解決外油內乾抗油光！| iTRIAL美評

Caudalie的葡萄籽系列你一定聽過！！今次Caudalie 新推出毛孔淨化抗痘系列，我今次試嘅係Vinopure Skin Perfecting Mattifying Fluid 葡萄籽抗痘控油保濕霜！可以吸走多餘油脂同時為肌膚進行保濕！最適合內乾外油嘅我！一直都聽過caudalie產品好好用！今次就等我哋iTRIAL美評試下佢掂唔掂！

Text: 吉吉Gutgut(IG: katiekwongxx)|Editor: TIffany Ng |Photo:吉吉Gutgut

Caudalie 葡萄籽抗痘控油保濕霜
Vinopure Skin Perfecting Mattifying Fluid

價錢：$260/ 40ml
平均價錢：$6.5/ml
賣點：蘊含亮膚的有機玫瑰水、高度保濕效能的植物甘油、調節油脂分泌的天然矽粉，溫和及長效吸走多餘油脂同時為肌膚賦予保濕滋潤，改善油光滿臉的尷尬情況，完美地塑造持久的啞緻絲滑觸感

實測 Caudalie 葡萄籽抗痘控油保濕霜
Vinopure Skin Perfecting Mattifying Fluid

質地清爽易推，約10秒可完全吸收，吸收後不黏笠。氣味舒適，有種清新的花香味。

塗面霜前（上），塗面霜後（下）

保濕度：3.5分

塗上臉更有涼涼的感覺，夏天用超舒服。保濕度即時提高約7%，保濕度中等。保濕之餘不會太黏笠，而且令皮膚有種變霧面的感覺！

上妝10小時後

抗油度：4.5分

早上用了面霜後上妝，出外十個小時後竟然只有T字位有輕微出油情況，兩邊臉頰仍然乾爽不黏笠！平時我應該全面都有油光！抗油效果滿意！

總評語：

用左幾日覺得效果不錯！不油不黏笠，真係做到佢講既減低因肌膚底層缺水而出現「外油內乾」情況！而且Caudalie一向主打天然，面霜成份溫和，唔會致敏，超級放心！希望用耐左可以減少黑頭粉刺！呢款面霜整體來說值得推介！