Clarins 全新賦活精華眼霜 2In1 | 2合1眼部精華加眼霜方便又好用，高效淡皺紋、去黑眼圈又滋潤修護眼周肌膚
眼霜對我來講好重要，市面上有好多款眼霜，一直都未搵到適合自己，有啲太黏笠、有啲太乾、有啲太油，而大部份品牌都係眼精華和眼霜分開兩支，所以我一直好期待有一支精華眼霜二合一，知道Clarins推出了全新賦活精華眼霜 2In1，真心勁興奮好想試用一下，是我這些懶人恩物！首先，我嘅黑眼圈問題好嚴重，因為長期睡眠質素差，而且隨着年紀愈大就出現愈多眼部皺紋，Clarins呢支全新賦活精華眼霜 2In1 以完美親膚黃金比例注入2: 1 的精華+眼霜，等我測試可否於7日內達到減淡皺紋、去黑眼圈、滋潤修護 三重功效啦。
Text & Photo: WandyK (IG：wandykwong YouTube: 雲迪wandyk)
實測Clarins 賦活精華眼霜 2In1 Double Serum Eye
Clarins 賦活精華眼霜 2In1 Double Serum Eye
價錢：$600 / 20ml
產品介紹:
Clarins全新賦活精華眼霜 2In1 7天減淡皺紋、黑眼圈、滋潤修護，以Double明眸配方，獨特雙管設計，糅合眼霜及眼精華，以完美親膚黃金比例注入2: 1的精華+眼霜，令眼周年輕蛋白激增119%，達到24小時保濕，質地輕盈不黏膩亦好易吸收。
眼霜：蘊含超級成分薑黃，發揮5大細胞修護功效— 再生、滋養、保濕、活氧及防禦、改善黑眼圈。
眼精華：蘊含有機法國峨蔘萃取，有效減淡皺紋，緊緻眼周肌膚。
質地: 4分
揼一揼上手感受質地，明顯好分明地見到透明狀的精華和淡白色眼霜，2:1比例好分明，亦因為咁，精華較多，質地好舒服好滑，推開時都好水潤好易推，感覺都唔厚唔黏笠。
清爽度：4.2 分
紙巾印上去，反一反手紙巾就丟下，沒有痴住手背，可見吸收度高，清爽度也高。
即時保濕度：4.1 分
保濕度都相當高，由36%水份值增至99%，手背即時水潤，皮膚彈性亦改善了，真係做到即時保濕且保濕度很高。
滋潤度：4 分
眼部產品油分不能太高，因為容易過度滋潤、太黏笠容易令眼周起油脂粒，如圖可見，油份值由34%降至19%，但同時加強濕度和彈性，可見其非常滋潤，吸收後好清爽舒服。
去黑眼圈度：3.7分
使用7天後，黑眼圈真的有改善，眼頭位置黑色素淡了一點，整體黑眼圈有變淡，眼角位置亦都稍為袪黃了，相信再使用一段時間就可以把我的黑眼圈去掉！
改善皺紋度：3.7分
使用7天後，明顯眼尾細紋有改善，笑起來都見到魚尾紋淡了，而眼袋位的眼紋都見到減淡了，當然唔會完全無眼紋，但這個效果真的很不錯呢。
總評：
我好鐘意呢支2合一精華眼霜，一個步驟就搞掂，方便快捷，是懶人恩物。亦好鐘意它的質地，2:1精華+眼霜真係好完美，水潤又滑，亦有乳霜的滋潤度，一揼份量可以覆蓋眼周大範圍，按摩幾下就完全吸收晒，輕盈不黏膩，又即時高度保濕，建議大家早晚都用，妝前用都唔會起粉粒，眼妝亦會更貼服更持久。大大力推介俾大家，快啲買支日日使用啦，一星期明顯有效啊！
可於官網或專櫃購買全新賦活精華眼霜 2 In 1 (HK$600)
3.75
