【Curel 保濕噴霧】超持久保濕噴霧 一噴深層保濕又夠滋潤

一年四季，好多時候我嘅皮膚都係處於勁乾嘅狀態，尤其是成日係有冷氣嘅環境，容易被抽乾水份。係戶外曬太陽又會流失水份，手、腳和身體都會覺得乾燥，所以我一定會準備定一支保濕噴霧，等我無論係office或者係屋企都可以即時為肌膚保濕。

Curel面霜應該人人都識，依家推出全新嘅深層保濕噴霧Deep Moisture Spray，臉及身體都可以使用，蘊含微米「潤浸保濕Ceramide功能成分」，更有效滲透至肌膚角質層，配合桉樹精華，讓乾燥肌膚回復高密度滋潤狀態，能紓緩因肌膚乾燥引起的敏感不適，提升肌膚鎖水力，幫敏感肌解決乾燥感。iTRIAL美評家Cass要出動試噴啦！

Text & Photo: Cass (IG：cwanyin_) | Editor：AnGel S.

Curél 深層高效保濕噴霧 Deep Moisture Spray

價錢：$210/250g；$75/60g

實測Curél 深層高效保濕噴霧 Deep Moisture Spray

噴霧質地：5分

噴出黎超霧化，好舒服，採用咗日本專利「超微米」技術，將分子變到超細、超細緻，感覺噴上面後就直接滲入皮膚。

延伸閱讀：

【Avene 潔面乳】免沖水潔面紓緩抗敏 抑制紅腫刺痛感 濕疹敏感肌膚就靠佢！

清爽度：3分

噴霧係偏滋潤型，噴完有感覺到補充咗皮膚水份，但亦有輕微黏膩感，感覺像已經搽左精華咁。

即時保濕度：4分

沖涼後皮膚特別乾燥繃緊，即刻水份用測試機睇睇，噴上Curél 深層高效保濕噴霧後水份即時升咗11.5%，有明顯保濕度，皮膚柔軟咗。

鎖水度：4分 

噴霧身體都用得，所以各位朋友都唔好忽略，手、腳的關節位都可以噴下。

上圖試咗係腳，鎖水效果我都幾滿意，噴上後隔咗一個鐘，摸起來都依舊有好似塗抹咗乳霜般嘅滋潤感覺。

總評：

我最滿意呢款Curél 深層高效保濕噴霧嘅噴霧夠均勻細緻，覆蓋範圍夠廣！

噴上皮膚後有即時舒緩嘅感覺，可惜係質感略為有點笠，如果當保濕噴霧使用，一日噴幾次我覺得太多，其實呢款噴一次已經感覺似搽完爽膚水加精華咁滋潤保濕，懶惰嘅人噴完大可以直接搽面霜。

延伸閱讀：

【Atorrege AD+ 深層清潔去角質】一分鐘極速去除死皮 同時白滑肌膚