【Curél防曬】輕透清爽防曬乳液 日本熱賣! 紫外線Bye Bye! | iTrial美評

在選擇防曬產品時感到非常煩惱? 好怕選到一些又冇用又痴笠笠的防曬? 特別係身為乾燥性敏感肌的你，選防曬產品一定要特別小心! 但坊間的防曬產品多數含有化學性物質，好容易令肌膚引致各種敏感徵狀。不過今日要介紹的防曬係專為乾燥性敏感肌而設的，我講緊嘅係Curél 輕透清爽防曬乳液 UV Protection Face Milk SPF30 PA++ ，佢聲稱不含4大致敏源。就等身為敏感肌的我，今次在iTRIAL美評測試一下佢係咪真係防敏啦！

Text and video: TiffanyC (IG: junhei_tiffany) | Editor：TIffanypanda

Curél 輕透清爽防曬乳液
UV Protection Face Milk SPF30 PA++

價錢：$180 /30mL

平均價錢：$6/mL

點擊查看產品資料

實測 Curél 輕透清爽防曬乳液
UV Protection Face Milk SPF30 PA++

質地: 4.5分

質地好清爽，一點也不痴笠笠，用後肌膚細緻水潤。

易推度：4分

輕輕一推已可完全推開，非常柔滑，而且不會有泛白情況出現。

貼服度: 4分

可作妝前底霜使用，令肌膚更細緻幼滑，使妝容持久貼服，搽完佢搽粉底好貼服，妝感都好靚，似皮膚本身好好咁，上完粉底2-3個鐘後，有種奶油肌嘅感覺。

持久度: 3.5分

係我混合性肌膚身上，比較容易溶妝，由其係T字位嘅位置，用紙巾一印就會印走大部份粉底，所以持久度一般。

總評語：

我覺得呢個防曬非常水潤易推，還有它的防曬度數很不錯，有SPF 30 PA++，但它係我混合性肌膚身上比較易溶妝，由其係T字位嘅位置，用紙巾一印就會印走大部份粉底，如果你係油性肌膚朋友仔可能未必適合你，但乾肌朋友仔絕對要去試下，呢支防曬通過過敏測試, 敏感性肌膚都用得到! 大家唔好以為皮膚黑就唔使搽防曬，呢個係大錯特錯嘅想法!! 紫外線除了會令我們皮膚變黑，也會加速我們的皮膚老化。所以防曬絕對是我們夏天不可缺少的法寶!