Giorgio Armani 氣墊粉底 | 輕輕一拍速成奶油肌 妝感自然透薄

如何於酷熱天氣底下而不溶妝？ Giorgio Armani My Armani To Go New Iconic Cushion SPF 23 絲光輕透氣墊精華粉底值得入手嗎？即刻為各位iTRIAL美評會員一探究竟吧！

Text & Photo: Pinky (IG：slurpee_pinky)

實測 Giorgio Armani My Armani To Go New Iconic Cushion SPF 23 絲光輕透氣墊精華粉底

Giorgio armani My Armani To Go New Iconic Cushion SPF 23 絲光輕透氣墊精華粉底 

價格：$640 (連粉盒及補充裝) 15g

質地： 4分

將粉底輕輕拍一下已經好貼面，不會卡粉且容易推開。

貼服度：4.5分 

簡單使用氣墊上妝已經能夠同皮膚融合，效果夠晒自然！

保濕度：4.5分

粉底滋潤，上完妝之後都無呈現顯紋嘅狀況，完全無浮粉嘅情況出現。

清爽度：3.5分 

上完妝會感覺到有第二層皮膚喺表層作為保護層。由於粉底偏向乳霜質地偏向滋潤。

遮瑕度：3分

一般偏淡嘅痘印同雀斑都可以遮蓋，但顏色較深的範圍例如黑眼圈則未能完全掩蓋，大概只能遮蓋三成左右。宜配合遮瑕膏使用。

持久度：3.5分

使用粉底大概兩小時後則容易於T zone出油，兩頰稍為出現甩妝情況。

總評：

氣墊粉底包裝華麗吸引，功效不僅限於調整膚色不均，更有效遮蓋毛孔。粉底透薄而有中低至中嘅遮瑕力，保濕但唔笠。如果痘印比較深會需要另外再用遮瑕膏輔助！整體而言妝效可維持大概兩三小時。稍以碎粉上T zone位置定妝，可以以防出油。氣墊可以每次沾上少量便可，逐漸build up會更服貼～氣墊仲洗完都仲好spongy添！產品整體而言都值得入手，非常適合追求妝感透薄自然的朋友，更適合乾性皮膚使用，潤得嚟夏天都用到！