innisfree 我的專屬絕配粉底 1.5｜極具遮瑕力之專屬絕配粉底 完美貼合肌膚｜iTRIAL用家分享

最近日夜溫差大，天氣不穩，容易出現浮粉、妝容不貼服等情況:(

自從轉用咗innisfree 我的專屬絕配粉底 1.5後，長時間滋養保濕同時擁有特強遮瑕效果，

輕易營造水潤亮澤又自然透亮既妝效，絕對係私心推薦比大家既好物～

Text & Photo: Heimen

實測 innisfree 我的專屬絕配粉底 1.5 My Foundation

 innisfree 我的專屬絕配粉底 1.5 My Foundation

價錢：$195/30ml

產品介紹：

專屬的保濕度、遮瑕度與色號的訂製粉底；不同保濕度含有不同innisfree天然保養成分；礦物遮瑕聚合物™成份使妝效更完美。

產品實測部分

質地：4分 

質地輕盈，相當容易推勻，蘊含保濕精華，讓妝感更水亮，輕易打造自然、不厚重既妝容。

妝效/貼服度：4分

保濕度令人滿意，上完全面底妝後效果非常服貼。加上妝效持久，大半日都依然好貼服冇溶妝。

遮瑕度：4.5分

遮瑕度相對一般粉底液為高，輕易遮蓋惱人黑眼圈、泛紅情況同暗瘡印，再上一層碎粉就完成底妝~

持久度：4.3分

出左大半日街，戴口罩超過10小時，黑眼圈同暗瘡印都仲遮到，口罩脫妝情況唔嚴重，亦冇出現浮粉問題，持久度令人有驚喜！

總評：

innisfree 我的專屬絕配粉底 1.5各方面既表現都相當出色，尤其係遮瑕度同埋持久度，成日唔夠訓，膚色較暗沉，薄薄搽上一層粉底液，已經可以完美遮蓋惱人黑眼圈、泛紅情況同暗瘡印，遮瑕度相當出色，而且妝效貼服，又唔易浮粉。

粉底既質地都幾輕盈，唔會有焗促或者黏笠感，就算春夏都好適合使用！