KÉRASTASE 防脫髮精華 | 防衰老第一步 從頭皮到髮絲解決掉髮問題
相信好多人隨着年齡增長，會開始擔心有掉髮問題。原因可能係因為新陳代謝變慢，令到甩頭髮嘅速度比起生長快，或者係生活壓力、家族遺傳等等。我都係其中一個，特別係每次洗頭梳頭吹頭時，都會留意下自己有無甩多咗頭髮，我亦都開始會嘗試各類型防脫髮產品。今次好幸運可以試到由法國專業頭皮護髮品牌KÉRASTASE推出嘅GENESIS雙重防掉髮護理套裝，包括防掉髮輕盈浴髮乳、防掉髮修護護髮露及雙重防脫修護精華。下面我會同大家分享下呢幾樣產品防脫髮嘅功效。
Text & Photo：Tiffany Tsoi (IG: @your.beautyteller)
GENESIS 雙重防掉髮護理系列
雙重防掉髮護理系列採用多種活性成分，例如亞美尼斯、雪絨花幹細胞及生薑萃取物，經臨床研究顯示，佢哋分別可以有效防止膠原蛋白結構硬化、抵抗紫外線及激活再生功效，從而抵禦外來損害，全面解決髮絲斷裂或毛囊問題引致嘅脫髮困擾。
實測 KÉRASTASE 雙重防脫修護精華
KÉRASTASE 雙重防脫修護精華
價錢：$480/90ml
雙重防脫修護精華係今次測試重點，裏面嘅活性成分除左有頭先提到嘅亞美尼斯，仲有生薑同咖啡因，可以舒緩頭皮痕癢，令到髮絲更加柔韌，有效減少脫髮。官方建議用法係喺頭皮乾爽或半乾嘅時候，將精華滴喺頭皮，按摩至吸收，無需沖洗。滴管上有一條黑線，係每管用量提示，建議每次用4管。
質地／易推度：4分
精華質地流動性唔錯，容易推開，使用時會有輕微冰冰涼涼嘅感覺。當佢完全吸收之後會變得清爽，唔油膩。
香味：3.5分
精華帶有幾濃烈嘅香味，有種香水嘅感覺，但係唔會太刺鼻，對於我呢啲對氣味好敏感嘅人黎講還可以接受。同埋因為我自己係等頭髮半乾嘅時候用精華，之後會將頭髮吹到全乾，所以到最後頭髮乾曬嘅時候香味亦都會隨着淡咗好多。
我自己用嘅時候會先將精華滴係髮界位置，然候用手指左右左右Z字形將精華推開（圖一）。之後再好似第二張相咁將手掌以開合方式按摩，幫助吸收精華。
清爽度：4分
一開始精華會有少少油膩感，但按摩後再將頭髮吹到全乾就會變得清爽，無令頭皮望落去有好油嘅問題。
實測 KÉRASTASE 防掉髮輕盈浴髮乳
KÉRASTASE 防掉髮輕盈浴髮乳
價錢：$230/250ml，圖片為體驗裝
呢個系列洗頭水出咗兩款，我呢款係適合細軟/油性髮質人士使用。用嘅時候佢唔會起太多泡，所以令到我一開始有少少唔習慣，因為平時覺得要有泡先洗得乾淨，但用落發現佢清潔力係夠。我會建議搭配護髮素一齊用，因為用完洗頭水之後髮絲會有少少乾澀嘅感覺。
實測 KÉRASTASE 防掉髮修護護髮露
KÉRASTASE 防掉髮輕盈浴髮乳
價錢：$300/200ml，圖片為體驗裝
護髮素用落感覺唔錯，可以同洗頭水互補，幫助改善洗頭水帶黎嘅乾澀感。用完之後頭髮變得柔軟順滑，更有光澤，無咁粗糙。
使用雙重防脫修護精華套裝3周/21天後
光澤/頭髮健康度：4分
使用三周後，頭頂會變得比較蓬鬆，無之前咁扁。髮絲望落去比較健康有光澤，無使用前咁粗糙。同埋梳頭時嘅掉髮情況都有改善，但係吹頭時嘅掉髮問題就差唔多，可能要用耐啲先會有明顯效果。
總評：
用咗雙重防脫修護精華套裝一段時間，我覺得係幾有效！洗頭水清潔力夠，但單用會有點乾澀，建議用完要用護髮素滋潤返髮絲。效果比較明顯係個雙重防脫修護精華，我覺得佢明顯可以令到發根比較蓬鬆，頭頂望落去無咁扁。同埋用完佢梳頭真係甩少咗頭髮。如果平時用頭髮精華怕會有油膩感嘅朋友，可以試吓我上面講嘅用法，頭髮半乾嘅時候用，再吹到全乾，咁樣用係最清爽。另外，對我黎講佢建議嘅四管有啲多，會令頭皮有少少負擔感，我自己覺得1.5-2管都好夠。
如果想試下防脫髮產品又唔知揀咩產品好，可以考慮下呢款雙重防脫修護精華。依家KÉRASTASE網店有各款套裝同優惠，有興趣嘅朋友可以去睇吓，我自己覺得呢個時候入手幾抵！
選購 GENESIS 雙重防脫修護精華，尊享防掉髮輕盈浴髮乳 80ml 及 防掉髮修護護髮露 75ml，售價$480。(套裝價值$665)
立即入手： http://p.nmg.com.hk/tz3478
選購 雙重防掉髮護理入門套裝， 尊享防掉髮輕盈浴髮乳 80ml 及 防掉髮修護護髮膜 75ml，售價$530。(套裝價值$753)
立即入手： http://p.nmg.com.hk/ckrw47
立即到以下門市就可以做免費頭皮分析，了解自己有甚麼頭髮頭皮需要啦～
KÉRASTASE SOGO 專櫃
地址：香港尖沙咀崇光百貨B1-30A
KÉRASTASE FACESSS 專櫃
地址：香港尖沙咀海港城海運大廈FACESSS
KÉRASTASE 沙田新城市廣場專門店
地址：香港沙田新城市廣場三期A340鋪
KÉRASTASE 澳門新八佰伴專櫃
地址：澳門新八佰伴1/F
4
