【Laura Mercier 粉底液】要求多多就搵唔到心水粉底? Tiff哥有好推介!｜iTRIAL美評

Tiff哥都曾經沉淪係不完美粉底液中的日子，買親返黎，唔係好快會氧化，就係好快甩晒，總有啲啲缺陷。所以大家對完美粉底的追求，我明，我真係明。一張畫紙最緊要係個底夠白，夠完美，如果唔係點上妝都總係差啲野。講左咁耐，其實係因為Tiff哥今次iTRIAL美評會測試Laura Mercier新出嘅Flawless Lumière Radiance-Perfecting Foundation，自稱15小時持久水凝，仲有自然肌的亮肌感。Tiff哥一向鍾情外國品牌的粉底液，估唔到真心一試愛上Laura Mercier。

Text & Photo：Tiff哥  | Editor： AnGel S.

實測 Laura Mercier 極致亮肌無瑕粉底液 Flawless Lumière Radiance-Perfecting Foundation

價錢：$450

色號：2N2 Linen

點擊查看產品資料 

質地：5分

Laura Mercier呢隻粉底十分輕薄，其實好符合自然肌的粉底要求! 佢介乎流質同杰身之間，拿捏得啱啱好。因為太流質會犧牲遮瑕度，太杰身又犧牲毛孔透氣度，呢款粉底輕輕上一層都唔會怕皮膚透唔到氣。

遮瑕度：4分

一層，可以大概中和膚色，遮蓋紅印。兩層，可以遮8成黑眼圈及暗瘡印。上兩層剛剛好的自然，自然膚色，透氣透亮，望落唔會太無瑕又唔會太厚。

自然度：5分

粉底液最怕一抺走就一條痕。因為呢款粉底夠薄，顏色偏warm tone，都襯返我自己膚色。所以輕輕甩左少少都唔太覺得。一開頭上粉底液會偏小小白，等30分鐘就立即同本身肌膚融合，形成完美自然肌。

總評語：

Laura Mercier崇尚的自然Flawless係我最buy的概念，真正的親膚、無色差、無氧化。入面仲有超晶透珍珠粉末、真彩粒子同反光粉末，打做完美柔膚的光澤。維他命C、銀辟萃取可以保濕、均勻膚色等。Laura Mercier的底妝產品將會係Tiff哥往後shopping一大目標呀! (瞬間被圈粉啦!)