L'Oréal Paris 水光瓶保濕精華 | 夏日戶外活動後急救乾肌必備！保濕、光澤，1分鐘搞掂

作為一條人魚🧜🏻‍♀️ (我係人魚教練)，一星期有三日喺水裏面🌊，都係正常不過嘅事，但係游水游得多，皮膚其實仲容易乾！加上猛烈嘅太陽，萬一護膚做少咗保濕，都即刻feel到皮膚繃緊。知道最近出咗全新 L'Oréal Paris 水光瓶保濕精華，有超強配方，用完即時見到效果😍！我呢個iTRIAL美評家，當然要試吓有幾好用嗱！

Text & Photo: 我係SporTi (IG：iamsporti)
 

實測 L'Oréal Paris 活力緊緻透明質酸 水光瓶保濕精華

L'Oréal Paris 活力緊緻透明質酸 水光瓶保濕精華

價錢：$239 / 30ml

透明質酸有幾補水就唔使我講啦，呢樽水瓶蘊含10倍高濃度透明質酸，仲配合雙重透明質酸分子科技，由內到外都充分保濕，只需要一樽，就可以為肌膚提升42%嘅光澤感，就算係敏感嘅肌膚都啱用🤩！

質地：5分

夏天我就最怕笠痴痴嘅感覺，呢支精華質地好似水咁，輕薄保濕之餘，又唔會油淋淋咁，好舒服。

清爽度：5分

精華一搽咗上手之後，輕輕推開， 30秒就已經吸收晒，清爽了度爆燈，夏天用仲有種涼浸浸嘅感覺。

使用精華前，見到皮膚都比較多乾紋，而且暗啞無光。

使用精華後之後，明顯一乾紋減淡咗，仲多咗仲光澤感添！

即時保濕度：5分

精華搽咗上面之後輕輕推開，就已經feel到水份不斷滲入皮膚裏面，用完即刻水潤左。

總評：

有時遇到啲海水污糟，皮膚就好容易出紅點，唔敢亂用護膚品。但係呢枝精華質地輕薄，補水充足，可以即刻舒緩皮膚嘅亁感，連乾紋都可以即時減淡！而家已經成為我游水後即時補充肌膚水分嘅護膚品，陪住我出街💦。推薦俾大家！

想用最抵價購買呢枝精華液，就要留意L’Oréal Paris 專門店、萬寧、屈臣氏、莎莎、HKTVmall 推出不定期優惠。

更多產品資訊：https://www.loreal-paris.com.hk/zh-hk/products/skin-care/serum/revitalift-hyaluronic-acid-serum/