【Melvita 粉紅瘦身油】粉紅黃金瘦身油 一「椒」擊退橙皮紋

夏天又嚟喇！熱褲同背心又係時候出動！但冬天增嘅肥仲未減，加上疫情關係，相信好多美女都留多咗係屋企，久坐少動，脂肪BB愈積愈多⋯⋯見到我自己肥到達60公斤，實在係慘不忍睹。所以最近終於的起心肝去做運動同調整飲食減肥。但大家都知道，由於基因問題，大多女性都係梨形身型，我都唔例外，下半身真係好難減呀！所以呢個時候，我就要出cheat用減肥產品喇！今次同大家實測Melvita 有機粉紅胡椒緊緻瘦身油 L’Or Rose Organic Super-activated Firming Oil，想減肥嘅美女快啲睇落去啦！

Text & Photo：肥桃（IG: suen_momo）

Melvita 有機粉紅胡椒緊緻瘦身油 Pink Oil 

價錢：$360/100ml

實測 Melvita 有機粉紅胡椒緊緻瘦身油 L’or Rose Organic Firming Oil

易推度：5分 

質地是油狀，很易推開，延展性很高，噴兩三下就可以足夠按整個小腿。

溫和度：5分 

以前用過好多減肥產品，搽完都會有灼熱感，但Melvita 有機粉紅胡椒緊緻瘦身油 L’Or Rose Organic Super-activated Firming Oil完全唔會，好溫和。其實大多嘅灼熱感都係由刺激皮膚嘅成分導致，而多數都冇實質作用，只係令消費者心理上覺得燃燒緊脂肪。所以溫和而有效對我嚟講更讚！
 

清爽度：5分 

Surprisingly，我以為油一定會好黏好痴，但Melvita呢枝瘦身油吸收得好快，吸完唔係覺得搞到成張床單都係油，呢個位真係值得一讚！

 

Before（橙皮紋範圍較大、較深）

After（橙皮紋範圍明顯小了，而且紋也減淡）

緊緻度：5分 

因為我最近一直都有做運動，如果話完全係因為瘦身油而極速變瘦可能會誤導大家或者不負責任。但橙皮紋減淡就冇得吹水，橙皮紋係肉眼可見減淡咗，成效係唔錯架！
 

總評：

一個字：讚！其實而家我已經好少用瘦身產品，因為以前有好多唔好嘅經歷（包括皮膚敏感搞到全身一撻撻等）。但Melvita有機粉紅胡椒緊緻瘦身油 L’Or Rose Organic Super-activated Firming Oil真係令我完全改觀！佢嘅精油香味好舒服，每晚按摩都令我覺得好relax。質地更加唔洗講，真係清爽！而改善橙皮紋亦有明顯效果。我平時會做完運動返屋企即刻沖涼，然後再搽，搽嘅時候一邊按摩。建議大家由小腿根部開始打圈向上慢慢按，可以促進血液循環之餘，仲能夠放鬆肌肉添！