【Paul & Joe胭脂】一齊用水凝啫喱胭脂霜打造粉嫩、水潤同Juicy妝感！｜iTRIAL美評

春天到啦〜〜?係時侯為妝容加入粉嫩、水潤同 “Juicy”的妝感！！今年Paul & Joe Spring Collection加入咗水凝啫喱胭脂霜，主打令雙頰透出水潤粉嫩氣色, 好似新鮮採摘的水果一樣juicy甜美 ！今次就等我哋iTRIAL美評試吓佢有幾 “Juicy” 啦?

Text:吉吉gutgut (IG:katiekwongxx) | Photo:吉吉 & Q | Video: Q | Video Editor: BonG

Paul & Joe Gel Blush水凝啫喱胭脂霜

價錢：$230 (全5色)/ 12g
平均價錢：$19/g

Paul & JoeGel Blush水凝啫喱胭脂霜實測

質地：

質地好似嘟喱！好滑好水潤，有點冰涼！完全出乎意料之外?！胭脂一共有五隻色，有橙紅、粉紅同蜜桃紅等。今次我要試嘅色係05號色 –Sommelière 。品牌話係一個柔中帶剛的石榴紅色！

像真度：3分

上臉後變得有氣色了，但我覺得上臉後同胭脂的顏色有小小唔同，有點色差，唔算係石榴紅，反而係一個比較深的粉紅色，但顏色都美，只不過和想像有點分別〜

貼面度：5分

上臉效果自然，因為好水潤嘅關系，胭脂很通透很貼面，有種像白裏透紅的感覺，立刻變得有氣色了?✨

顯色度：5分

上一層可以有自然嘅白裏透紅感覺，但胭脂可層層疊加的，可以隨個人喜好調節顏色深淺?上圖為上了兩層的效果〜都幾顯色！有小小重手了，大家塗的時侯要小心呀！

毛孔修飾度：4分

遮蓋毛孔的效果就不算好突出，個原本有粒粒的地方無變得更明顯或者令毛孔位置有不均勻的情況，因為平時塗胭脂好容易會顯得毛孔粗大！

持久度：5分

用化妝棉印落皮膚之後，化妝棉竟然小小顏色都無沾上！！?可能因為質地比較水，塗上臉比較貼近皮膚，形成一層柔軟的薄膜，防止暈染及防汗，持久度也很好！

總評語：

整體上Paul & Joe水凝啫喱胭脂霜Gel Blush的妝感、保濕度同貼合度我都好滿意?唯一扣了0.5分是因為我覺得胭脂的顏色和塗上臉的顏色有點不同，像真度差一點點，所以這裏就扣了一點分?如果大家想買這個胭脂，最好去專櫃試上臉比較安全了?！！！