【shu uemura 粉底筆】無限輕透又持妝隨時隨地保持底妝完美無瑕！

23.06.2020

夏日粉底最緊要係夠持久同埋控油, 咁就唔會出現油光滿面嘅情況啦~

全新shu uemura 植村秀無限輕透持妝精準粉底筆 unlimited shaping foundation stick SPF 21 PA++採用了革命性配方，含有可揮發油份，使妝感無比順滑貼服，輕盈而不黏膩，反覆疊塗亦能保持輕透。粉底筆設計精細奢華，結合了光影、粉底及補妝的功能，方便隨身攜帶，隨時隨地保持底妝完美無瑕。一齊來看看shu uemura 粉底筆表現如何啦！

Text & photo by TiffanyC (IG: _tiffanycc_) | Editor: AnGel S.

shu uemura 植村秀無限輕透持妝精準粉底筆 unlimited shaping foundation stick SPF 21 PA++

價錢：$400 (全9色)

色號：#764

包裝:

係外面補妝都唔使特別用吸油面紙, 直接塗上就可以做到去油+補妝, 超方便！獨特嘅水滴狀設計, 連鼻翼等比較難上妝嘅地方都能輕鬆上妝~

【shu uemura 粉底液】打做無「焗」限輕透妝感無時無刻都咁清爽 ♥

實測shu uemura 植村秀無限輕透持妝精準粉底筆 unlimited shaping foundation stick SPF 21 PA++

我本身都有用開shu uemura unlimited foundation, 我係超鍾意用佢, 佢係好短時間入面已經成為我嘅all time favourite~~ 今次仲要出埋粉底筆version, 方便隨身攜帶, 出街都可以隨時隨地補妝!! 雖然係持久型粉底, 但質地好輕薄, 望落似偽素顏一樣, 膚色變得均勻, 有微微光澤感。如果你同我一樣係混合性肌膚一定會喜歡佢, 佢唔會太厚重又唔脫妝, 好long lasting, 最緊要係佢出油後會變成韓妹超鍾意果種奶油肌效果!

上左一層嘅效果~

上左兩層嘅效果~

遮瑕度: 3分

坦白講，我覺得佢嘅遮瑕度冇粉底液咁高, 屬於比較透薄型嘅粉底, 上完佢之後黑眼圈遮到6-7成左右~

剛剛上完全妝~

上完底妝8小時, 你可以見到仲keep得好好啊~

持久度: 4分

可以last到8個鐘都只係鼻翼位置出左少少油, 控油效果不錯哦~ 油肌可以一試! 但我唔建議乾肌試, 因為佢係比較控油嘅粉底, 乾肌用應該會覺得好乾!!

總評:

我幾鍾意shu uemura 最近推出嘅呢款無限輕透持妝精準粉底筆, 用這種粉底棒搽少少, 再用手指blend開, 妝感非常自然唔厚重~ 仲有佢嘅妝效好持久,。用來出街補妝都好方便, 因為佢係一支可以「去油」嘅粉底棒!! 佢入面有柔焦粉末，可以立即令毛孔隱形~ 佢今次一共出左9隻色！色號較淺嘅粉底棒可以用來打亮; 而色號較深嘅粉底棒可以用來修容!! 大家都一定可以搵到岩嘅色號!! 鍾意霧感妝感嘅朋友仔絕對唔可以錯過~~