【shu uemura 唇膏】令人一試難忘的無色限炙烈柔霧唇膏 滋潤顯色又有豐唇效果

shu uemura 唇膏旱前就開始用了黑色長方管的包裝，型格非常！shu uemura 無色限炙烈柔霧唇膏 rouge unlimited amplified matte擁有奢華的絲絨柔霧質感，是一款標榜豐盈感的唇膏，同時保持雙唇舒適不乾燥，蘊含日本初榨山茶花精油等滋養成分時刻滋潤雙唇。一支滿足你三個願望！有樣、有色、有潤！就等iTRIAL美評家Tiffany C為大家實測下好唔好用啦！

Text & Photo：TiffanyC (IG：_tiffanycc_) | Editor：AnGel S.

shu uemura 無色限炙烈柔霧唇膏 rouge unlimited amplified matte

價錢：$230

色號：M OR 570

包裝：

包裝由透明銀管設計變成了黑色方管設計，感覺更型格。但就唔可以好似之前銀管包裝咁，唔使打開個蓋都知道唇膏嘅顏色。

實測 shu uemura 無色限炙烈柔霧唇膏 rouge unlimited amplified matte 

左圖：薄塗； 右圖：厚塗

顯色度：5分

唇膏十分顯色，輕塗兩層已經好實色。

薄搽比較溫柔，厚搽比較型格。

Ｍ OR 570係偏向橙紅色，就算黃皮膚女仔搽完都會好顯白，有少少活潑俏皮嘅感覺，好啱一啲平時好活潑好動嘅女仔！

滋潤度：4分

雖然shu uemura 無色限炙烈柔霧唇膏係霧面唇膏，但一啲都唔乾，就算冇用潤唇膏打底，都絕對唔會覺得乾。唔會顯唇紋/乾紋。

延伸閱讀：

【shu uemura 粉底液】打做無「焗 」限輕透妝感 無時無刻都咁清爽 ♥

持久度：4分

以吻落手背模仿吻落男朋友身上，勁大力咁吻落手背都只係冇左1-2成色，整體嘅唇妝依然係到。我測試過搽咗佢，食完野之後都仲keep到7成色，可見持久度唔錯！

易卸度：5分

用眼唇卸妝液卸走唇妝，你見我好輕易就卸走晒所有唇妝。

總評：

整體來說，shu uemura嘅唇膏一直都係我嘅最愛，因為佢顯色、滋潤又持久，就算冇用潤唇膏打底都絕對無問題！呢款shu uemura 無色限炙烈柔霧唇膏 rouge unlimited amplified matte絕對係一支值得擁有嘅唇膏，大家都一定要去試下啊！

延伸閱讀：

【Dior 唇膏】超夢幻星星唇膏! 實測Dior Addict Stellar Halo Shine