shu uemura 武士刀眉筆｜日本傳統工藝武士刀眉筆｜iTRIAL用家分享

眉型定義妝感，彎眉直眉一字眉，通通需要用眉妝產品，個人最鐘意用眉筆，因為可以畫到根根分明的效果，擁有一條自然眉型，唔化眼妝唇妝都會精神好多。

shu uemura武士刀眉筆做到根根分明之餘，而且有多色選擇，雙色使用，可以更易畫出漸變眉妝，誠意推介大家使用。

Text & Photo: Reese

實測 shu uemura 武士刀眉筆 Hard Formula Eyebrow Pencil

shu uemura 武士刀眉筆 Hard Formula Eyebrow Pencil

價錢：$200/3.4g

色號：#2，＃9

產品介紹：完美硬度，幫助描畫出精準俐落的線條並貼附於粉底上。

斜角筆尖可畫出精準俐落的眉線，斜角可描畫出細如毛髮的線條，平面則可塑造自然或粗濃的眉色，筆尖則用於填補眉毛空隙，令眉妝更精緻。

產品實測部分

顯色度：4.5分

產品需要適量油份先可以畫到色出黎，手背較難顯色，搽少少粉底再畫就顯到色。

易畫度：4分

打斜好似刀片咁一下下畫可以畫到一根根效果，注意要輕力啲，愈輕手出黎效果愈soft。

防水度：5分

沖過2次水，完全無甩過，非常出眾嘅防水力。

持久度：4分

基本上無咩點甩，係眉嘅邊緣可能有啲油脂分泌有好輕微淺左。

總評：

shu uemura武士刀眉筆係我用過最滿意嘅眉筆，利用特別削出黎嘅刀峰斜畫，可以畫到一根根效果，眉頭運用筆芯平面掃出淺淺嘅顏色，非常自然，記得定時拎落門市比BA姐姐削筆，呢款眉筆可以用好耐，十分值得投資。