【Suisse Programme 防曬】全效輕盈防曬乳霜 高系數防曬竟然不泛白、不黏膩、不厚重？｜iTRIAL美評

今次iTRIAL美評測試瑞士品牌 SUISSE PROGRAMME 新推出嘅「全效輕盈防曬乳霜SPF50 PA++++」。呢支防曬最大賣點就係能夠「為肌膚提供全天候高度防曬保護，質地輕盈無厚重感，保濕不油膩」。聽落好似好吸引咁，等我馬上測評一下先～

Text & Photo：Nicole | Editor：AnGel S.

Suisse Programme 全效輕盈防曬乳霜 SPF50 PA++++
UV Protective Veil

價錢：$388

點擊查看產品資料

實測 Suisse Programme 全效輕盈防曬乳霜 SPF50 PA++++
UV Protective Veil

質地：

白色乳液狀，易推。

上手效果：

明顯白咗，膚色均勻咗，皮膚望落去仲細緻咗，質地清爽，唔會笠癡癡，啱啱搽上手嘅時候會有少少黏，就好似平時搽咗cream咁，但過咗一陣，吸收咗之後，就無咗呢種感覺，隻手摸落去soft咗，好似有層薄膜保護住。

上面效果：

膚色提亮咗，均勻咗，微絲血管冇咁現，毛孔亦都有被修飾到。

搽上面嘅感覺大致上同上手嘅感覺差不多，唔會有好厚重嘅感覺，但就無上手咁清爽，摸上去會好似有少少未吸收得哂咁。順帶一提，呢支防曬係一支物理、化學混合型嘅防曬，相比起普遍嘅物理性防曬，呢支防曬無泛白嘅情況出現，亦都無好重嘅油膩感。而作為一支化學性防曬，上面後無任何不良反應。

保濕效果：

我係混合性偏乾嘅膚質，T字位會出油，兩邊面頰好乾！對於皮膚底層缺水嘅我嚟講，啱啱上面嘅時候還可以，但如果逗留係冷氣地方，我兩邊面頰，尤其係蘋果肌嘅位置，會出現繃緊嘅感覺，唔太舒服，而T字位就有輕微出油。好可惜，呢點真係大大扣分！

UV Test：

當唔同強度嘅UV照射落張防曬卡，會呈現出唔同深淺嘅紫色。

由上圖可見，有搽防曬嗰邊係比較淺色，意味住呢支防曬產品有一定嘅防曬力，抵禦紫外光。

總評語：

總括而言，我都幾鍾意呢支防曬，因為佢能夠做到高防曬系數之餘，亦能夠做到清爽，唔油膩，唔厚重；但唯獨保濕方面有待改進。