YSL Beauté 夜間修復精華 | 一晚修復 改善歲月痕跡

工作忙碌令自己呢年壓力愈來愈大，加上日日捱夜唔夠瞓，皮膚變得暗啞，搞到又黃又乾，令我好擔心肌膚嘅質素！最近試咗YSL Beauté 夜間修復精華，非常神奇地用一晚已即時提升肌膚水潤度﹐用一個星期膚質好明顯改善！

短短時間就可以提升肌膚亮白度、改善暗黃暗啞，早上同事見到我都問我點解最近皮膚穩定咗咁多，冇咗以前嘅黃氣，所以我即刻推薦呢枝神器俾佢地，同事用咗都讚不絕口！

Text & Photo: Ms.K (IG: @ms_k_xoxo)

實測 YSL Beauté 夜間修復精華 Night Reboot Serum

YSL Beauté 夜間修復精華 Night Reboot Serum

價錢：HKD790/30ml

產品介紹：

YSL Beauté 夜間修復精華主要成分來自摩洛哥的月光仙人掌，由於仙人掌生長於極端天氣下，一年只會採一次花，開花時間只有六小時。

YSL Beauté科學顧問專家團隊會萃取其開花時分泌的特殊聚醣﹐可以有助促進肌膚再生，提供保護﹐令肌膚於夜間重新啟動肌膚修復系統，仿如8小時充足睡眠，令肌膚回復水潤光澤！

產品實測部分

質地易推度：4.6分 

質地屬於水狀，半水半油，但搽上去係好水潤不油膩，不黏稠，搽完肌膚即時感到好滋潤，最適合秋冬時使用，又唔怕黏淋淋！

即時保濕度：4.8分 

精華較流動水性，好易推開，一搽完已經見到肌膚好水潤光澤，即時保濕效果好好！

改善毛孔度：4.4分 

可以俾大家睇睇我一開頭試足7日嘅效果，真係令人非常驚喜！

使用前正正係我因為工作壓力而忙到影響肌膚質素，肌膚偏暗啞、泛黃，有明顯乾紋。用完一個星期，膚色暗黃問題改善咗，亮白度提升，而且肌膚回復柔軟彈性、水潤光澤，毛孔都收細咗，乾紋淡化！

我現時都有keep住早晚使用，肌膚質素一日比一日好。

總評：

整體來講，YSL Beauté 夜間修復精華效果絕對值得呢個價錢！質地水潤易吸收，保濕效果好，上面唔會油膩，秋冬用都好適合，最重要係用一晚已經即時見到效果，有時捱完夜用來急救肌膚都好掂！

持續用一個星期可以見到肌膚明顯改善，淡化細紋、皮膚更光澤飽滿，有明顯亮白冇晒黃氣，而且上妝都變得更貼服！

誠意推介大家呢個秋冬真係要買返枝！