Lancôme 淨澈亮肌精華水｜煥活新肌綻放、令未來更淨澈｜iTRIAL用家分享

自從經常要戴口罩出街之後，加上經歷乾燥潮濕嘅天氣，面部肌膚都變得非常乾燥缺水，膚色方面都變得暗啞，一起身照鏡總係覺得冇嚟神氣，踏入新一年2022年，愛美嘅我實行要令自己嘅肌膚變靚啲，以新肌綻放、未來更淨澈為目標，所以在護膚品上我都會比以前更懂挑選，知道最近Lancôme 蘭蔻 推出了「 淨澈亮肌精華水 」，試咗一段時間都覺得有唔同嘅效果，在膚質上有大大的改善，簡直就啱晒我以上嘅肌膚需要，今次我就率先在iTRIAL美評來實測一下它的威力，俾大家知道佢有幾好用先得！

Text & Photo: Ta Choi (IG：tachoi )

實測Lancôme 蘭蔻 淨澈亮肌精華水 Clarifique Refining Enzymatic Dual Essence

Lancôme 蘭蔻 淨澈亮肌精華水 Clarifique Refining Enzymatic Dual Essence

價錢：$790/150ml（圖中試用品為90ml裝）

產品介紹：

這一支精華水啟發自30年酵素科研，當中更蘊含如珍珠般珍貴的植物 - 法國山毛櫸嫩芽萃，唔講唔知呢一種植物只會喺每年初春於法國森林以人手採摘一次，所以極其罕有，致其獨特雙層精華配方發揮着雙重功效，能促進肌膚表皮細胞更新、令肌膚亮澤，膚色變得更均勻透澈，從而塑造出淨澈肌膚，研究指出持續使用1星期，有87%女性同意肌膚更顯淨澈；持續使用1個月，有88%女性同意肌膚更顯透亮； 89% 女性同意毛孔變得緊緻不明顯。
( 以上數據取自51位亞洲女性使用1 星期及4 星期後之自我評估 )

質地易推度：4分

這一款精華水有別於一般用嘅精華水，因為精華係採用護膚油及水漾雙層配方嚴格配製，以獨特的97 : 3比例將成份揉合於兩種精華質地，一倒出精華油質地呈透明輕薄，輕輕推開後都唔會覺得好笠，反而係好滋潤，好像有一層薄薄的保護膜滋潤住肌膚，就算現時潮濕嘅春天用都唔會加重肌膚負擔。而且用後保濕力超好，膚色變得水潤，更美白提亮了❤️確保水漾護膚配方可發揮強大的煥活功效，4周重塑淨澈肌膚！

 即時保濕度： 4.5分

未搽前測試的肌膚狀況得出的水份指數是24%在搽上精華水後，再測試肌膚即時的水分指數是29%，上升了5%，可見有顯著的即時保濕效果！
日間使用精華水後，都不用再搽保濕日霜再上妝，都沒有卡粉嘅情況發生呢！
 

光澤度： 5分

本身面部乾燥有細紋、甚至乎脫皮嘅位置，用後可以立即修復，好像有一層保濕滋潤嘅薄膜保護着肌膚，膚色隨即變得有光澤，瞬間令膚色均勻、透澈亮澤。

毛孔細緻度： 4.5分

由於精華水有促進肌膚表皮細胞更新嘅功效，用後整體膚質有所改善，摸到自己的肌膚變得更柔滑細緻，特別係面頰上粗大的毛孔，現在看上去比以前收細緊緻了，顯現彈彈水潤光澤肌，上妝更比以前更貼服呢。

總評︰

Lancôme 淨澈亮肌精華水確實有非同凡響嘅威力，相比起一般化妝水它蘊含滋潤保濕的護膚油及水漾雙層配方，難怪連續使用一段日子後，肌膚有那麼明顯嘅變化，膚色上變得更有光澤之餘，甚至乎因戴口罩導致嘅敏感泛紅脆弱肌膚，不穩定的位置也有修復、滋潤嘅效果，可見脆弱敏感肌膚都好啱用，所以非常推薦比各種膚質人士去使用。
你都想同我一樣新一年去實行「 新肌綻放、未來更淨澈 」嗎？快按連結了解更多！